ការសិក្សាបង្កើតខេត្តថ្មីត្រូវបានបឈ្ឈប់ដោយស.ជ.ណ.

(ភ្នំពេញ)៖ រាជរដ្ឋាភិបាលកម្ពុជាចេញ ស.ជ.ណ សម្រេចបញ្ឈប់ការសិក្សាស្រាវជ្រាវបង្កើតខេត្តថ្មីពីរ ដែលគ្រោងបំបែកចេញពីខេត្តកណ្តាល និងខេត្តមណ្ឌលគិរី-រតនគិរី។

ការសម្រេចរបស់រាជរដ្ឋាភិបាលកម្ពុជា បានធ្វើឡើងភ្លាមៗបន្ទាប់ពីសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានលើកឡើយនូវបញ្ហានេះ នៅក្នុងពិធីអបអរសាទរទិវាគ្រូបង្រៀន ៥ តុលា។

នៅក្នុង ស.ជ.ណ របស់រាជរដ្ឋាភិបាលផ្ញើជូនសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅព្រឹកថ្ងៃទី០៥ ខែតុលា ឆ្នាំ២០១៨នេះ បានបញ្ជាក់យ៉ាងដូច្នេះ «ទីស្តីការគណៈរដ្ឋមន្ត្រីសូមជម្រាបជូន សម្តេចក្រឡាហោម ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃជ្រាប ចំពោះករណីស្នើសុំបង្កើតថ្មីចំនួន២ ចេញពីខេត្តកណ្តាល ខេត្តមណ្ឌលគិរី និងខេត្តរតនគិរី រាជរដ្ឋាភិបាលសម្រេចបញ្ឈប់ការសិក្សាស្រាវជ្រាវចាប់ពីពេលនេះតទៅ»។

មូលហេតុដែលឈានដល់ការសម្រេចលុបនេះ ដោយសារតែមានដំណើរការនៃការសិក្សាត្រូវបានទម្លាយឯកសារយ៉ាងព្រោងព្រាតផ្ទុយពីការសិក្សាបង្កើតខេត្តត្បូងឃ្មុំ។ មួយវិញទៀតគ្រាដែលខេត្តមិនទាន់ទាំងសម្រេចបង្កើត ឬយ៉ាងណាផងនោះ បែរជាមានអ្នករត់ការយកតំណែងគ្រប់គ្រងក្នុងខេត្តទាំងនេះ៕

Read More

មូលហេតុពិតពីការធ្វើបាតុកម្មនៅវិទ្យាល័យសុីសុវត្ថិ

បើយោងតាមគណនីយហ្វែសប៊ុក របស់លោក Phang Veng An បានឲ្យដឹងទាំងស្រុងថា៖

គម្រោងសាលាជំនាន់ថ្មី (New Generation School / NGS) គឺជាគម្រោងសំខាន់មួយក្នុងចំណោមគម្រោងទាំង១៥ របស់ក្រសួងអប់រំនៅក្នុងបេសកកម្មកំណែទម្រង់ខ្នាតធំវិស័យអប់រំនៅកម្ពុជា។ គម្រោងដែលត្រូវចំណាយប្រាក់ជិតមួយលានដុល្លារដើម្បីចាប់ផ្តើមនេះ ផ្តោតសំខាន់ទៅលើទំនើបកម្មនៃការរៀន បង្រៀន គ្រឿងបរិក្ខារ (អោយដូចទៅនឹងប្រទេសអភិវឌ្ឍភាគច្រើន) និងអមមកជាមួយនិង ការសិក្សាពេញម៉ោង ទាំងព្រឹកនិងល្ងាច ដែលឈានទៅដល់ការលុបបំបាត់ការបង្រៀនគួរក្រៅម៉ោង ដែលជាប្រភពមួយ តែងតែធ្វើអោយមានភាពពុករលួយ និងភាពមិនស្មើគ្នាក្នុងម៉ោងសិក្សារដ្ឋ។ 

គំនិតខ្ញុំ ខ្ញុំគិតថា វាជារឿងដ៏អាម៉ាស់ដែលលោកគ្រូ អ្នកគ្រូនៃវិទ្យាល័យមួយ ព្យាយាមបណ្តេញ និង លុបបំបាត់ចោលគម្រោងនេះពីសាលាខ្លួន ដោយសារតែហេតុផលបុគ្គល និងភាពអសកម្មខ្លះនៃគម្រោង (នេះតាមយោបល់របស់ពួកគាត់)។ បើសិនជាក្រចកវែង គេកាត់ក្រចកចោល គេមិនមែនកាត់ដៃចោលទេ ដូចគ្នា បើសិនជាមានបញ្ហា យើងដោះស្រាយបញ្ហា យើងមិនអាចទាមទារអោយលុបគម្រោងចោលនោះទេ។ គួរនិយាយបានថា ប្រទេសថៃ និងសាំងហ្គារពួរ ជាដើមបានអនុវត្តគម្រោងស្រដៀងគ្នា ហើយទទួលបានជោគជ័យ យើងនៅទើបតែចាប់ផ្តើមបែរជាមានអ្នកមកបង្អាក់ដំណើរទៅហើយ។ SAD ។ តាមផុសនិងបដា ខ្ញុំមិនបានឃើញពួកគាត់លើកហេតុផលជាក់លាក់សម្យរម្យ មានតែពាក្យថា "រើសអើង" "បែងចែកបក្សពួក" "អាណិតអ្នកចាស់ផង" ។ ពាក្យស្លោកមួយបានលើកឡើងថា បើយើងនៅស្ងៀមមិនរត់ទេ ផែនដីនឹងរត់ចោលយើង". 

ចុងក្រោយ សំណូមពរអោយអ្នកលេង Facebook ទាំងអស់ កុំសុីជោរតាមគ្នាអី។ បើសិនយើងចង់រស់នៅក្នុងសង្គមដែលមានធនធានមនុស្សច្រើន អភិវឌ្ឍន៍ និងមានវិស័យអប់រំទៅមុខ យើងគួរតែរៀនទទួលយកការផ្លាស់ប្តូរ។ ហើយត្រូវចាំថា ការផ្លាស់ប្តូរតែងប៉ះគេប៉ះឯង តែសុំសំឡឹងមើលរូបភាពធំ (ការអភិវឌ្ឍធនធានមនុស្ស) ជាជាងការផ្តោតសំខាន់ទៅលើរូបភាពតូចៗ (លុយបង្រៀនគួរជាដើម ល)។ សូមអរគុណ និងសូមទោសបើសិនជាមានខុសឆ្គង!!

សូមជួយshareផងអរគុណ!!

ប្រភព៖ Facebook 

Read More

ក្មេងប្រុសអាយុជាង១ឆ្នាំ យកកាំម៉ូតូរុកចូលព្រីភ្លើង ឆក់ស្លាប់ភ្លាមៗនៅស្រុកអង្គស្នួល

ខេត្តកណ្តាល៖ ហេតុការណ៍នេះបានកើតឡើងកាលពីវេលា ម៉ោង១០ និង២០នាទីយប់ថ្ងៃទី០៤ ខែសីហា ឆ្នាំ២០១៧ ស្ថិតនៅចំណុចក្នុងផ្ទះកៀនទ្វារ ខាងមុខភូមិ ត្រពាំងក្រពើ ឃុំក្រាំងម្កាក់ ស្រុកអង្គស្នួល ខេត្តកណ្តាល។

កុមាររងគ្រោះមានឈ្មោះ ឆុំ រតនី ភេទប្រុស អាយុ១ឆ្នាំ៧ខែ ជនជាតិខ្មែរ នៅក្នុងបន្ទុកឪពុកម្តាយ នៅភូមិ ឃុំ ស្រុកកើតហេតុខាងលើ។

ម្តាយកុមាររងគ្រោះឈ្មោះ ជា ឡែន ភេទស្រី អាយុ៣៦ឆ្នាំ មុខរបរកសិករ បានឲ្យដឹងថា កូនរបស់គាត់បានដើរលេងពេញក្នុងផ្ទះ ហើយគាត់ដេកលេងលើគ្រែនៅមុខបន្ទប់ក្នុងផ្ទះ ស្រាប់តែឮកូនស្រែយ៉ៃ គាត់ក៏ក្រោកពីលើគ្រែក្រឡេកឃើញកូនដួលផ្កាប់មុខទៅលើធុងដាក់សម្ភារៈ ពេលនោះគាត់ក៏ទៅលើកកូនឡើងឃើញដៃកាន់ដែកកាំម៉ូតូ ពេលនោះកូនក៏បាត់មាត់ ហើយក៏នាំគ្នាយកក្មេងរងគ្រោះទៅមន្ទីរពេទ្យសម្ភព ម៉ិញ វុទ្ធីបែកចាន ទៅដល់លោកគ្រួពេទ្យពិនិត្យថា ក្មេងរងគ្រោះបានស្លាប់ទៅហើយ ក្រុមគ្រួសារក្មេងរងគ្រោះក៏យកសាកសពមកផ្ទះវិញ។

គរបាលជំនាញពិនិត្យវិភាគកន្លែងកើតហេតុស្រុក និងពិនិត្យសព ដោយមានការចូលរួមពីលោកប្រធានក្រុមប្រឹក្សាឃុំ លោកគ្រូពេទ្យស្រុក មេភូមិ បងប្អូនក្មេងរងគ្រោះ នគរបាលប៉ុស្តិ៍។ 

លោកគ្រូពេទ្យបានសន្និដ្ឋានថាក្មេងរងគ្រោះស្លាប់ដោយសារឆក់ចរន្តអគ្គីសនី។ សពត្រូវបានប្រគល់ជូនក្រុមគ្រួសារយកទៅធ្វើបុណ្យតាប្រពៃណី។ សូមលោកអ្នកដែលមានកុមារតូចប្រុងប្រយ័ត្នខ្ពស់។ 

Read More

និស្សិតស្រីអាយុ ២០ ឆ្នាំ ជួបគ្រោះថ្នាក់ចរាចរណ៍ស្លាប់ នៅម្តុំសង្កាត់ទន្លេបាសាក់

ភ្នំពេញ៖ មានគ្រោះថ្នាក់ចរាចរណ៍មួយ បណ្តាលឲ្យនារីវ័យជំទង់មា្នក់ស្លាប់នៅនឹងកន្លែងកើតហេតុ នៅចំណុចផ្លូវ មុនីវង្សស្ថិតនៅក្នុងសង្កាត់ ទន្លេបាសាក់ ខណ្ឌចំការមន រាជធានី ភ្នំពេញ នាវេលាម៉ោង ៨ ព្រឹកថ្ងៃទី ៨ ខែកញ្ញា ឆ្នាំ ២០១៨ នេះ។ 

យុវតីរងគ្រោះ ឈ្មោះ លី សៀវហ្វុង អាយុជាង២០ឆ្នាំ មុខរបរសិស្ស ស្នាក់នៅផ្ទះ សង្កាត់ច្បារអំពៅ ខណ្ឌច្បារអំពៅ ភ្នំពេញ ។ នារីរងគ្រោះជិះម៉ូតូម៉ាក ហុងដារស្កុបពី ពណ៍ស ពាក់ស្លាកលេខភ្នំពេញ 1FA-1335 ធ្វើដំណើរពីជើងទៅត្បូង ស្របផ្លូវគ្នាជាមួយរ៉ឺម៉កកងបី តាមបណ្តោយផ្លូវព្រះមុនីវង្ស លុះមកដល់ចំណុចកើតហេតុខាងលើ ស្រាប់តែប៉ះម៉ូតូដៃជាមួយម៉ូតូមួយគ្រឿងទៀត បណ្តាលអោយដួល ហើយស្របគ្នានោះ ក៏មានរ៉ឺម៉កកង់បីមកដល់ កិនចំក្បាលបែកឈាម ស្លាប់មួយរំពេចតែម្តង។ ក្រោយបង្កហេតុម៉ូតូរ៉ឺម៉កជិះគេចខ្លួនបាត់ ដោយគ្មាន នរណាម្នាក់ជួយឃាត់រ៉ឺម៉កកង់បីនោះ មកទទួលខុសត្រូវឡើយ ។

ក្រោយកើតហេតុ គេឃើញឪពុកយុវតីរងគ្រោះ មកដល់កន្លែងកើតហេតុ  ហើយប្រាប់សមត្ថកិច្ចជំនាញពីអត្តសញ្ញាណរបស់នារីរងគ្រោះ ដើម្បីធ្វើកំណត់ហេតុ វាស់វែង ប្រគល់សព ជូនក្រុមគ្រួសារយកទៅធ្វើបុណ្យតាមប្រពៃណី ៕

Read More

ញ៉ាំ​ទឹកឃ្មុំ​មុន​ចូល​ដំណេក ​អាច​ជួយសម្រក​ទម្ងន់​

ក្រុង​ញូវយ៉កៈ កម្ម​វិធី​សិក្សា​ស្រាវ​ជ្រាវ​ពី​សុខ​ភាព​មនុស្ស​មួយដែល​​រៀបចំ​ដោយ​អ្នក​ឯក​ទេស​ចំណី​អាហារ​បំប៉ន​ របស់​លោក ម៉ៃ​ មេកអីុន​ បាន​រក​ឃើញ​​ថា​ ទឹក​ឃ្មុំ​គឺ​ជា​សារ​ជាតិស្ករ​ពី​ធម្មជាតិ​​ ឬ​ឱសថ​ដ៏​មាន​ប្រសិទ្ធភាព​មួយ​បែប​ក្នុង​ការ​សម្រក​ទម្ងន់ ។

តាម​ធម្មតា​គេ​តែង​ហាម​ប្រាម​ចំពោះ​ចំណី​អាហារ​ណា​ដែល​មាន​ជាតិ​ផ្អែម​ខ្លាំង​ដូច​ជា បង្អែម​ នំប៉័ង​ និង​នំ​ផ្អែម​ផ្សេងៗ​ទៀត​​ ដោយ​ថា ពពួក​អាហារ​ទាំង​នេះ​​​មិនមាន​ផល​​ល្អ​ចំពោះ​សុខ​ភាព​ឡើយ។ តែ​សម្រាប់​ជាតិ​ផ្អែម​របស់​ទឹក​ឃ្មុំ​វិញ​បែរ​មាន​ប្រយោជន៍ ​។

ការ​ស្រាវជ្រាវ​ថ្មី​មួយ​បាន​ណែនាំ​ថា ​ទម្លាប់​ញ៉ាំ​ទឹក​ឃ្មុំ​មួយ​ស្លាប​ព្រា​បាយ​រាល់​ថ្ងៃ​ជា​មួយ​ទឹក​ក្តៅ​មុន​ពេល​ចូល​គេង​នោះ​ជា​វិធី​ជួយ​សម្រក​ទម្ងន់​បាន ព្រោះ​ជាតិ​ផ្អែម​នៃ​ទឹក​ឃ្មុំ​ ធ្វើ​ឲ្យ​រាងកាយ​របស់​មនុស្ស​ទទួល​បាន​ភាព​ឆ្អែត និង​កាត់បន្ថយ​ចំណង់​ញ៉ាំ​អាហារ​ផ្អែម​ដទៃ​ទៀតផង​ដែរ ៕ ភ្នំពេញប៉ុស្តិ៍

Read More

​​ទឹក​ឃ្មុំ​ មាន​ប្រយោជន៍​ចំពោះ​សម្រស់​​ច្រើន​ ​នឹក​ស្មាន​​មិន​ដល់

ទឹក​ឃ្មុំ​គឺ​ជា​ផលិត​ផល​ពី​ធម្មជាតិ​ដែល​មិន​ត្រឹម​តែ​​មាន​សារប្រយោជន៍​ជា​ច្រើន​ចំពោះ​សុខភាព​ប៉ុណ្ណោះ​ទេ តែ​ក៏​​ល្អ​សម្រាប់​​​​សម្រស់​​នោះ​ដែរ។ ​​​វា​ផ្ទុក​នូវ​សមាសធាតុ​ល្អៗ​ដែល​ប្រឆាំង​​អុកស៊ីតកម្ម ​ហើយ​វា​​ក៏​ជា​ឱសថ​​ទិព្វ​ដែល​​​គួរ​មាន​ក្នុង​ផ្ទះ​សម្រាប់​ព្យាបាល​ជំងឺ​មួយ​ចំនួន​ផង​ដែរ។ ចង់​ដឹង​ថា​ការ​​ប្រើ​ប្រាស់​ទឹក​ឃ្មុំ ​ល្អ​សម្រាប់​​​សម្រស់​យ៉ាង​ណា​នោះ ​សូម​​មើល​ដូច​ខាង​ក្រោម៖

• ញ៉ាំ​​ទឹក​ឃ្មុំ​មួយ​ស្លាប​ព្រា​ជា​រៀង​រាល់​ថ្ងៃ​ធ្វើ​ឲ្យ​ស្បែក​ស្រស់​ថ្លា ​ទន់ ​និង​ភ្លឺ​រលោង។
• លាយ​ទឹក​ជាមួយ​ទឹក​ឃ្មុំ​រួច​យក​មក​លាប​​លើ​ផ្ទៃ​មុខ​តិចៗ ​អាច​ជួយ​ជម្រះ​ភាព​កខ្វក់​ និង​ធ្វើ​ឲ្យ​ផ្ទៃ​មុខ​មាន​សំណើម​ និង​ពណ៌​ស៊ីជម្ពូ។

-យក​ទឹក​ឃ្មុំ​លាប​ផ្ទាល់​លើ​ផ្ទៃ​មុខ​ត្រង់​កន្លែង​មាន​មុន ​​​ទុក​រយៈ​ពេល​១០​ ទៅ​១៥​នាទី​ រួច​លាង​ជម្រះ​នឹង​ទឹក​ត្រជាក់។​ ធ្វើ​បែប​នេះ​អាច​ជួយ​ឲ្យ​បញ្ហា​មុន​ក្រហម និង​រមាស់ ​អន់​ថយ​បាន។

• ទឹក​ឃ្មុំ​ជួយ​បំបាត់​ស្លាក​ស្នាម​បាន​មួយ​កម្រិត​ផង​ដែរ​ ដោយ​អ្នក​អាច​លាប​វា​ដោយ​ផ្ទាល់​ត្រង់​កន្លែង​ស្លាក​ស្នាម​ក្រមៅ​នៅ​លើ​កែង​ដៃ ​ឬ​ជង្គង់។
• អ្នក​អាច​បក​រោម​ស្បែក​ជាមួយ​នឹង​ក្រមួន​ទឹក​ឃ្មុំ ​ដោយ​យក​ទឹក​ឃ្មុំ​លាយ​នឹង​​ស្ករត្នោត​រួច​ថែម​ទឹក​ក្រូច​ឆ្មា​រ​ចូល​គ្នា​ រួច​​ដាក់​កម្ដៅ​ក្នុង ​Microwave​ ទុក​ឲ្យ​ត្រជាក់​បន្តិច​ ដូច​នេះ​អ្នក​អាច​បក​រោម​​ស្បែក​បាន​ ដែល​ធ្វើ​ឲ្យ​ស្បែក​រលោង ​និង​មាន​សំណើម។
  • ទឹក​ឃ្មុំ​អាច​បំបាត់​ស្នាម​​មុត​ឡាម​កោរ​ពុក​មាត់​បាន​ដោយ​លាប​វា​លើ​ស្បែក​ ទុក​ពី​១០​ទៅ​១៥​នាទី​​រួច​លាង​ជម្រះ​នឹង​ទឹក​ក្ដៅឧណ្ណៗ។
  -លាយ​ទឹក​ឃ្មុំ​ និង​ទឹក​ប៉ោម​ចូល​គ្នា​ រួច​លាប​លើ​ក្រចក​ និង​ស្បែក​គល់​ក្រចក​​​ជួយ​ឲ្យ​ក្រចក​រឹង ម៉្យាង​ទៀត​អ្នក​អាច​លាយ​ទឹក​ឃ្មុំ​ និង​ទឹក​ សម្រាប់​ជា​​​ថ្នាំ​សម្លាប់​មេរោគ។
  • អ្នក​អាច​បំបាត់​ស្នាម​ក្រមៅ​​នៅ​ក្បែរ​រង្វង់​ភ្នែក​​ដោយ​លាប​ទឹក​ឃ្មុំ​ដោយ​ផ្ទាល់​ រួច​​ទុក​ចោល​២០​នាទី​ជា​រៀង​រាល់​ថ្ងៃ វា​អាច​ជួយ​ឲ្យ​ស្បែក​ភ្នែក​ទន់​ភ្លឺ​រលោង។
  • ជួយ​ឲ្យ​សក់​លោក​អ្នក​ភ្លឺ​រលោង​បែប​ធម្មជាតិ​​ដោយ​គ្រាន់​តែ​យក​ទឹក​ឃ្មុំ​លាយ​ជា​មួយ​ទឹក​ក្រូច​ឆ្មារ​​មក​លាប​​លើ​សក់។
  -អ្វី​ដែល​ពិសេស​មួយ​ទៀត គឺ​ការ​ញ៉ាំ​​ទឹក​ឃ្មុំ​អាច​ជួយ​ប្រឆាំង​ភាព​ជ្រីវជ្រួញ​ និង​ពន្យារ​ភាព​ចាស់៕

Read More

​អ្នកជំនាញ​ខ្មែរ​៖​ ចង់ដឹង​​​ទឹក​ឃ្មុំ​សុទ្ធ​ ឬ​មិន​សុទ្ធ ទាល់តែ​ឆ្លងកាត់​​ការ​ពិសោធន៍​ iodine

ទឹក​ឃ្មុំ ​គឺ​ជា ​ឱសថ​ប្រចាំ​គ្រួសារ​ ដែល​មាន​អត្ថប្រយោជន៍ ដល់​សម្រស់​ សុខភាព​ ដូច​ជា ​ការ​ពុល​អាហារ សូម្បី​តែ​អ្នក​​ជំងឺ​ទឹកនោម​ផ្អែម ក៏​ អាច​ពិសា​ទឹក​ឃ្មុំ​បាន​ដែរ​បើ​សិន​ ទឹក​ឃ្មុំ​នោះ​សុទ្ធ មិន​លាយ​ស្ករ។

កញ្ញា​ នូវ នូទិក​ ជា​មន្ត្រី​ផលិត​កម្ម​ និង​ លក់​នៅ ក្រុម​ហ៊ុន​ Nature Wild បាន​បង្ហើប​ពី​គន្លឹះ​ពិនិត្យ​ទឹក​ឃ្មុំ​សុទ្ធ​ ឬ ​មិន​សុទ្ធ​​ថា ទឹក​ឃ្មុំ​សុទ្ធ​ត្រូវ​ឆ្លង​កាត់​ ការ​ពិសោធន៍​ iodine ជាមុន​សិន។ iodine test គឺ​ជា​ ការ​ពិសោធន៍​មួយ​ដែល​គេ​ប្រើ​ សារធាតុ iodine ដើម្បី​ដឹង​ថា​ ទឹក​ឃ្មុំ​នោះ មាន​លាយ​សារធាតុ​ស្ករ​ឬ​ក៏​អត់។

កញ្ញា​ក៏​បាន​បន្ត​ទៀត​ថា តាម​វិធី​ សាមញ្ញ​ៗ ដែល​គេ​និយម​ធ្វើ​តាម​គ្នា​ មិន​អាច​បញ្ជាក់​ថា ​ទឹក​ឃ្មុំ​នោះ​សុទ្ធ​ ១០០%​ ទេ។

១. ដាក់​ទូ​ទឹក​កក

ទឹក​ឃ្មុំ​សុទ្ធ​ មិន​កក​ឡើយ​ ទោះ​បី​ជា​ត្រូវ​បាន​ដាក់​នៅ​ ក្នុង​ធ្នើរ​កក​ក៏​ដោយ។ ប៉ុន្តែ​ផ្អែក​តាម​ការ​ស្រាវ​ជ្រាវ​របស់​កញ្ញា​ ផ្ទាល់​ ជាមួយ​អ្នក​ជំនាញ​​ជន​ជាតិ​ ជប៉ុន​​ ការ​ពិសោធ​បែប​នេះ មិន​មាន​ភាព​ជាក់​លាក់​ទេ។

ទឹក​ឃ្មុំ​ដែល​កញ្ញា​ច្បាស់​ ថា សុទ្ធ​ដោយ​ការ​ពិសោធ​ហើយ បែរ​ជា​​កក​ និង ឡើង​ក្រាម​ទៅ​វិញ។ ប៉ុន្តែ​ក្រោយ​ពី​អ្នក​ជំនាញ​ សិក្សា​លើ​ទឹក​ឃ្មុំ​នោះ​រហូត​ដល់​ប្រទេស​ជប៉ុន​រួច​ លទ្ធផល​​បង្ហាញ​ថា​ ទឹក​ឃ្មុំ​ដែល​កក​នោះ​ពិត​ជា​ទឹក​ឃ្មុំ​សុទ្ធ​មែន ប៉ុន្តែ​ ដោយ​សារ​វា​មាន​ផ្ទុក​នូវ​សារធាតុ​ Crystal ទើប​បង្ក​ជា​ក្រាម។

សារធាតុ​ Crystal នេះ​អាស្រ័យ​ទៅ​លើ​ ផ្កា​ព្រៃ​ដែល​ឃ្មុំ​ទៅ​ក្រេប។ កាល​ណា​ឃ្មុំ​ក្រេប​ចំ​ផ្កា មាន​សារធាតុ​ Crystal នោះ​ទឹក​ឃ្មុំ​ដែល​ផលិត​បាន នឹង​បង្ក​ជា​ក្រាម​ពេល​ស្ថិត​ក្រោម​សីតុណ្ហភាព​ត្រជាក់។​

២. ស្រមោច​មិន​រោម

ទឹក​ឃ្មុំ សុទ្ធ​ស្រមោច​មិន​រោម​ឡើយ​ ព្រោះ​វា​ផ្ទុក​ទៅ​ដោយ​សារធាតុ​ថ្នាំ​នៃ​រុក្ខជាតិ​ឈើ​ផ្សេងៗ ហើយ​ក្ដៅ​។ តែ​បើ​ទឹក​ឃ្មុំ​ មិន​សុទ្ធ​ឬ​ទឹក​ឃ្មុំ​លាយ​ស្ករ​ ស្រមោច​នឹង​រោម​ជាក់​ជា​មិន​ខាន។ ចំពោះ​ចំណុច​នេះ កញ្ញា​នូទិក បាន​បញ្ជាក់​ថា កញ្ញា​ធ្លាប់​ចាក់​ទឹក​ឃ្មុំ​សុទ្ធ​ ចោល​ ហើយ​​មាន​ស្រមោច​ ក្រហម​មក​រោម តែ​ស្រមោច​ខ្មៅ​ និង​ ស្រមោច​ភ្លើង​អត់​មក​រោម​ទេ។

៣. ឃ្មុំ​នៅ​ក្នុង​ផ្លិត​

​​

អ្នក​លក់​ទឹក​ឃ្មុំ​នៅ​បណ្ដា​ខេត្ត​មួយ​ចំនួន​លក់​ទាំង​ផ្លិត​ដែល អ្នក​ទិញ​ជឿ​ថា វា​ជា​ទឹក​ឃ្មុំ​សុទ្ធ​មិន​លាយ​ស្ករ​ ។ កញ្ញា​ នូទិក​ ក៏​បាន​ប្រាប់​ពី​បញ្ហា​នេះ​ថា ជា​ទឹក​ឃ្មុំ​មិន​លាយ​ស្ករ​មែន​តែ​ ពួក​គាត់ (អ្នកលក់) ដាក់​ទឹក​ស្ករ​ឱ្យ​ឃ្មុំ​បឺត​ ដូច្នេះ​ពួក​គេ​នៅ​តែ​បាន​ទឹក​ឃ្មុំ​គ្រាន់​តែ​មិន​មែន​ជា​ទឹក​ឃ្មុំ​ធម្មជាតិ។ មាន​ន័យ​ថា ​ឃ្មុំ​ចិញ្ចឹម​ បឺត​​ទឹក​ស្ករ ទឹក​ឃ្មុំ​ក៏​មាន​ជាតិ​ស្ករ​ស្រាប់​ទៅ​ហើយ​ដែរ។

ចំណុច​គួរ​កត់​សម្គាល់​មួយ​ទៀត​ បើ​យក​​វត្ថុ​ដែល​ធ្វើ​ពី​ដែក​ទៅ​ផ្ទុក ទឹក​ឃ្មុំ​នោះ​ វា​ធ្វើ​ឱ្យ​ទឹក​ឃ្មុំ​ខូច​គុណភាព​ព្រោះ ទឹក​ឃ្មុំ​សុទ្ធ​ មាន​កម្ដៅ​ស្រាប់ ដូច្នេះ​បើ​ប្រើ​ជា​មួយ​សារធាតុ​ដែក​ ជាតិ​ដែក​នឹង​ចេញ​មក​ប៉ះពាល់​ដល់​​គុណភាព​ទឹក​ឃ្មុំ។ ហេតុ​នេះ​ហើយ ការ​ប្រមូល​ឃ្មុំ​ព្រៃ​គេ​តែង​តែ​ប្រើ ពិដុង​ជ័រ ដើម្បី​ផ្ទុក​និង​រក្សា​គុណភាព​វា។ នេះ​បើ​តាម​ការ​លើក​ឡើង​របស់​ មន្រ្តី​ផលិតកម្ម​ និង​លក់​ខាង​លើ។​

ចំណុច​ទាំង​នេះ​បញ្ជាក់​ឱ្យ​ឃើញ​ថា បើ​ចង់​ដឹង​​ទឹក​ឃ្មុំ​ណា​សុទ្ធ​ឬ​មិន​សុទ្ធ​ មាន​តែ​ការ​ពិសោធ​ តាម​បែប​វិទ្យាសាស្ត្រ​ប៉ុណ្ណោះ​ដែល​ ធានា​បាន​នូវ​ គុណភាព។ រី​ឯ​ការ​និយម​ធ្វើ​តៗ​គ្នា មិន​អាច​បញ្ជាក់​បាន​ ១០០%​ទេ។

កញ្ញា​ នូទិក ក៏​បាន​ផ្ដាំ​ផ្ញើ​ផង​ដែរ​ថា អ្នក​​ទិញ​គួរ​តែ​មាន​ការ​ប្រុងប្រយ័ត្ន​ខ្ពស់​។ ការ​ទិញ​ទៀត​សោត​គួរ​តែ​ រើស​យក​ក្រុម​ហ៊ុន​ណា​ដែល​មាន​ស្ដង់​ដា​ ហ៊ាន​ធានា​នូវ​គុណភាព ឬ​ត្រូវ​ស្គាល់​ប្រវត្តិ​ទឹក​ឃ្មុំ​ច្បាស់ ​ទើប​មិន​ខាត​ប្រាក់​កាស​ និង ​មិន​ប៉ះ​ពាល់​ដល់​សុខភាព៕

Read More